یمن میں اسرائیلی فضائی حملے، 35 شہید 130 زخمی

صنعا… اسرائیلی فضائی حملوں میں یمن کے دارالحکومت صنعا اور الجوف گورنریٹ میں کم از کم 35 افراد شہید اور 130 زخمی ہوگئے۔الجزیرہ کے مطابق اسرائیلی حملوں میں رہائشی علاقے نشانہ بنے، جن میں ایک طبی مرکز بھی شامل ہے۔ یمن کی وزارتِ صحت نے تصدیق کی ہے کہ زیادہ تر متاثرین عام شہری ہیں۔یہ حملے ایک روز بعد سامنے آئے جب اسرائیل نے دوحہ میں حماس قیادت کو نشانہ بنانے کی ناکام کوشش کی تھی۔اسرائیلی فوج نے حملے کی ذمہ داری قبول کرتے ہوئے کہا کہ یمن میں حوثی حکومت سے وابستہ فوجی ٹھکانوں کو نشانہ بنایا گیا۔ تاہم حوثیوں کا مقف ہے کہ اسرائیل ان پر غزہ کی حمایت ختم کرنے کے لیے دبا ڈال رہا ہے لیکن وہ جنگ کے اختتام تک اپنی کارروائیاں جاری رکھیں گے۔خیال رہے کہ گزشتہ ماہ بھی اسرائیلی فضائی حملے میں یمنی وزیراعظم احمد الرحوی جاں بحق ہوگئے تھے۔رپورٹس کے مطابق اسرائیل نے گزشتہ 72 گھنٹوں کے دوران فلسطین، لبنان، شام، تیونس، قطر اور یمن سمیت چھ ممالک میں کارروائیاں کی ہیں۔