تیونس کی عوام نے غزہ فلوٹیلا کو نعروں اور دعائوں کے ساتھ رخصت کردیا

تیونس…ساحل پر بڑی تعداد میں عوام نے غزہ کے لیے روانہ ہونے والی عالمی صمود فلوٹیلا کو الوداع کہا۔رپورٹس کے مطابق شرکا نے فلسطینی عوام کے ساتھ یکجہتی کا اظہار کرتے ہوئے فلوٹیلا کے رضا کاروں کو نعروں اور دعاں کے ساتھ رخصت کیا۔فلوٹیلا کا مقصد محصور غزہ کے عوام تک انسانی ہمدردی اور مزاحمتی یکجہتی کا پیغام پہنچانا ہے۔ فلوٹیلا میں شامل کارکنان کا کہنا ہے کہ یہ سفر صرف سمندری راستہ نہیں بلکہ فلسطین کی آزادی کے لیے عالمی ضمیر کو جھنجھوڑنے کی کوشش بھی ہے۔