ناشتہ چھوڑنا ہڈیوں کے لیے خطرناک، osteoporosis کا امکان بڑھتا ہے:ماہرین

نیو یارک …حالیہ تحقیق سے یہ بات سامنے آئی ہے کہ ناشتہ چھوڑنا ہڈیوں کی صحت پر منفی اثر ڈال سکتا ہے اور وقت کے ساتھ osteoporosis (ہڈیوں کے کمزور ہونے) کے خطرے کو بڑھا سکتا ہے۔ماہرین کے مطابق اکثر لوگ ناشتہ میں دودھ، دہی، انڈے یا فورٹیفائیڈ اناج لیتے ہیں جو کیلشیم اور وٹامن D کے اہم ذرائع ہیں۔ ناشتہ چھوڑنے سے یہ ضروری غذائی اجزا جسم کو نہیں ملتے، جس سے ہڈیوں کے ٹوٹنے اور دوبارہ بننے کے عمل (bone remodeling) پر اثر پڑتا ہے اور ہڈیاں کمزور ہو سکتی ہیں۔مزید برآں ناشتہ نہ کرنے سے cortisol (اسٹریس ہارمون) کی سطح بڑھ جاتی ہے، جو ہڈیوں کی کثافت کم کرنے کا سبب بن سکتا ہے۔ ناشتہ چھوڑنے والے افراد اکثر دن بھر کیلشیم اور پروٹین کی کمی بھی پوری نہیں کر پاتے، جس سے لمبے عرصے میں ہڈیوں کی کمزوری بڑھ جاتی ہے۔ماہرین مشورہ دیتے ہیں کہ مضبوط ہڈیوں کے لیے دن کا آغاز غذائیت سے بھرپور ناشتہ سے کیا جائے تاکہ osteoporosis کا خطرہ کم کیا جا سکے۔