ترکیہ اور مصر کا تاریخی دفاعی معاہدہ، قاہرہ میں مشترکہ ڈرون فیکٹری قائم ہوگی

قاہرہ… ترکیہ اور مصر کے درمیان ایک بڑا دفاعی معاہدہ طے پا گیا ہے جس کے تحت مصری دارالحکومت قاہرہ میں ڈرونز کی مشترکہ پیداوار کے لیے فیکٹری قائم کی جائے گی۔اعلان کے مطابق فیکٹری میں جدید ترین ٹیکنالوجی سے لیس ڈرونز تیار کیے جائیں گے جو دفاعی و سکیورٹی ضروریات پوری کرنے کے ساتھ ساتھ برآمدات کے لیے بھی استعمال ہوں گے۔ معاہدے پر دونوں ممالک کے اعلی حکام کی موجودگی میں دستخط کیے گئے۔ترک اور مصری حکام کا کہنا ہے کہ یہ منصوبہ نہ صرف دفاعی شعبے میں دوطرفہ تعاون کو نئی بلندیوں تک لے جائے گا بلکہ خطے میںتوازنِ قوت کو بھی مضبوط کرے گا۔دفاعی ماہرین کے مطابق یہ معاہدہ ترکیہ اور مصر کے درمیان اسٹریٹجک شراکت داری کی نئی علامت ہے، اور امکان ہے کہ مستقبل قریب میں دونوں ممالک مزید مشترکہ دفاعی منصوبوں پر بھی کام شروع کریں گے۔