اداکارہ لکشمی مینن کو اغوا اور تشدد کے مقدمے میں مرکزی ملزمہ قرار

ممبئی …بھارت کی مشہور تامل اور ملیالم اداکارہ لکشمی مینن کو ریاست کیرالہ کے شہر کوچی میں ایک آئی ٹی پروفیشنل کے اغوا اور تشدد کے مقدمے میں مرکزی ملزمہ کے طور پر نامزد کر دیا گیا ہے۔بھارتی میڈیا کے مطابق واقعہ کوچی کے بانر جی روڈ پر ایک بار میں شروع ہونے والے جھگڑے کے بعد پیش آیا، جہاں اداکارہ کے دوستوں اور متاثرہ نوجوان کے درمیان تلخ کلامی ہوئی۔ بعد ازاں متاثرہ نوجوان کو زبردستی گاڑی سے نکال کر نامعلوم مقام پر لے جایا گیا اور مبینہ طور پر تشدد کا نشانہ بنایا گیا۔پولیس نے اب تک تین افراد کو گرفتار کیا ہے جن میں اداکارہ کا ایک قریبی دوست بھی شامل ہے۔ سوشل میڈیا پر وائرل وڈیوز میں لکشمی مینن کو دیگر افراد کے ساتھ متاثرہ نوجوان کی گاڑی روک کر بحث و تکرار کرتے ہوئے دیکھا جا سکتا ہے۔