اردن سعودی سیاحوں کی پہلی پسند، 2024 میں طبی سیاحت میں بھی ریکارڈ

اردن… اردن کی سیاحت اتھارٹی کے سربراہ ڈاکٹر عبد الرزاق عربیات نے کہا ہے کہ اردن سعودی سیاحوں کی سب سے پسندیدہ منزل بن چکا ہے۔ڈاکٹر عربیات نے بتایا کہ مشرقِ وسطی کی نمایاں سیاحتی جگہوں میں اردن نے اپنی پوزیشن مستحکم کر لی ہے، جہاں آنے والے سیاحوں کی تعداد میں خاصا اضافہ دیکھا گیا ہے۔ ملک کا امن و استحکام، قدرتی و ثقافتی تنوع اور معتدل آب و ہوا اس کی بڑی کشش ہیں۔سعودی سیاحوں کے بعد امریکی سیاح 18 لاکھ کے ساتھ دوسرے نمبر پر ہیں جبکہ دیگر خلیجی ممالک سے بھی بڑی تعداد میں سیاح آ رہے ہیں۔ انہوں نے بتایا کہ عمان میں رات کے درجہ حرارت 19 سے 20 ڈگری رہنے کے باعث سیاح جرش، عجلون کے آثارِ قدیمہ، خریداری مراکز اور ثقافتی تقریبات میں بھرپور دلچسپی لے رہے ہیں۔علاوہ ازیں، اردن نے طبی سیاحت میں بھی نمایاں مقام حاصل کیا ہے، جہاں 2024 میں 2 لاکھ 24 ہزار سے زائد افراد علاج کے لیے آئے۔