آسٹریلیا نے ایران کے سفیر کو ملک بدر کرنے کا اعلان، یہودی مخالف حملوں میں ملوث ہونے کا الزام

سڈنی… آسٹریلیا نے ایران پر یہودی مخالف حملوں میں ملوث ہونے کا الزام عائد کرتے ہوئے ایرانی سفیر کو ملک بدر کرنے کا اعلان کر دیا ہے۔وزیراعظم انتھونی البانیز نے کہا کہ ایران کی حکومت میلبرن اور سڈنی میں ہونے والے یہودی مخالف حملوں میں براہ راست ملوث ہے، اسی وجہ سے ایرانی سفیر کو واپس بھیجا جا رہا ہے۔مزید برآں، وزیراعظم نے اعلان کیا کہ آسٹریلیا پاسدارانِ انقلاب کو دہشت گرد تنظیم قرار دینے کے لیے قانون سازی کرے گا۔وزیر خارجہ کے مطابق ایرانی سفیر اور تین دیگر اہلکاروں کو ملک چھوڑنے کے لیے 7 دن کا وقت دیا گیا ہے، جبکہ تہران میں آسٹریلیا کے سفارت خانے کی کارروائیاں بھی معطل کر دی گئی ہیں۔