ویمنز ورلڈ کپ: فاطمہ ثنا پہلی بار قومی ٹیم کی کپتان، 15 رکنی اسکواڈ کا اعلان

لاہور…انٹرنیشنل کرکٹ کونسل (آئی سی سی) ویمنز کرکٹ ورلڈ کپ کے لیے پاکستان نے 15 رکنی اسکواڈ کا اعلان کر دیا۔ قومی ٹیم کی قیادت آل رانڈر فاطمہ ثناکریں گی جو پہلی بار ون ڈے ورلڈ کپ میں کپتانی کے فرائض انجام دیں گی۔ورلڈ کپ بھارت اور سری لنکا میں 30 ستمبر سے 2 نومبر تک شیڈول ہے، تاہم پاکستان کے تمام میچ سری لنکامیں کھیلے جائیں گے۔ اس دوران قومی ویمن ٹیم جنوبی افریقہ کے خلاف 3 ون ڈے انٹرنیشنل بھی کھیلے گی۔اسکواڈ میں کئی نئی کھلاڑیوں کو موقع دیا گیا ہے۔ نتالیا پرویز، رامین شمیم، صدف شمس، سعدیہ اقبال، شوال ذوالفقار اور سیدہ عروب شاہ پہلی بار ون ڈے ورلڈ کپ کھیلیں گی۔آئی سی سی ورلڈ کپ کوالیفائر اسکواڈ میں 2 تبدیلیاں کی گئی ہیں، گل فیروزہ اور نجیحہ علوی کو ڈراپ کیا گیا ہے۔
قومی ویمن ٹیم کا اسکواڈ
فاطمہ ثنا (کپتان)، منیبہ علی صدیقی، عالیہ ریاض، ڈیانا بیگ، ایمان فاطمہ، نشرا سندھو، نتالیا پرویز، عمائمہ سہیل، رامین شمیم، صدف شمس، سعدیہ اقبال، شوال ذوالفقار، سدرہ امین، سدرہ نواز اور سیدہ عروب شاہ۔
نان ٹریولنگ ریزروز
گل فیروزہ، نجیحہ علوی، طوبی حسن، امِ ہانی اور وحیدہ اختر۔