ایشین تھروئنگ چیمپئن شپ: پاکستان کے یاسر سلطان نے کانسی کا تمغہ جیت لیا

سیئول…کوریا میں جاری ایشین تھروئنگ چیمپئن شپ میں پاکستان کے یاسر سلطان نے شاندار کارکردگی کا مظاہرہ کرتے ہوئے کانسی کا تمغہ اپنے نام کر لیا۔یاسر سلطان نے جیولین تھرو میں 77.43 میٹر کا تھرو پھینک کر تیسری پوزیشن حاصل کی۔ گزشتہ برس اسی ایونٹ میں انہوں نے سلور میڈل جیتا تھا تاہم اس بار وہ اپنی کارکردگی دہرانے میں کامیاب نہ ہو سکے۔چیمپئن شپ میں سری لنکا کے کھلاڑی نے 82.05 میٹر تھرو کے ساتھ گولڈ میڈل اپنے نام کیا جبکہ جاپان کے تھرور نے 78.60 میٹر کے تھرو کے ساتھ سلور میڈل جیتا۔واضح رہے کہ اس مقابلے میں پاکستان کے اولمپک گولڈ میڈلسٹ ارشد ندیم اور بھارت کے اسٹار جیولین تھروئر نیرج چوپڑا شریک نہیں ہوئے۔