یورپی یونین ترکیہ میں ماحولیاتی تبدیلی کے لیے سرمایہ کاری جاری رکھے گا

ترکیہ…یورپی یونین نے ترکیہ میں ماحولیاتی تبدیلی (گرین ٹرانزیشن) کو فروغ دینے کے لیے اپنی سرمایہ کاری جاری رکھنے کا اعلان کیا ہے، تاکہ ملک 2053 تک خالص صفر اخراج (نیٹ زیرو ایمیشن) کا ہدف حاصل کر سکے۔یہ بات یورپی یونین کے وفد کی سربراہ برائے تعاون، ماریا لوئیسا ویگانوسکی نے استنبول میں منعقدہ ایک پائیدار ٹرانسپورٹ سمٹ سے خطاب کرتے ہوئے کہی، جس کا اہتمام گرین ڈیولپمنٹ فانڈیشن (Yekav) نے کیا تھا۔ویگانوسکی کے مطابق، یورپی یونین اور ترکیہ کے درمیان پری ایکسیشن فنڈز (IPA) کے نفاذ کے بعد سے مستقل تعاون جاری ہے، اور یہ شراکت اب گرین اکانومی کی جانب منتقلی میں مزید گہرائی اختیار کر رہی ہے۔یورپی یونین کی گرین ڈیل کے تحت ترکیہ میں پائیدار ٹرانسپورٹ، الیکٹرک وہیکل چارجنگ نیٹ ورکس، سبز پبلک ٹرانسپورٹ سسٹم، اور قابلِ تجدید توانائی جیسے شعبوں میں سرمایہ کاری متوقع ہے۔یورپی یونین ترکیہ میں ریلوے کی بہتری، میری ٹائم تعاون، ایمیشنز ٹریڈنگ سسٹمز اور دیگر ماحولیاتی منصوبوں کے لیے بھی معاہدے کر رہا ہے۔ماریا ویگانوسکی نے کہا کہ:”ترکیہ کی ماحولیاتی پائیداری کی کوششیں نہ صرف نیٹ زیرو اہداف کو حاصل کرنے میں مددگار ہوں گی، بلکہ یہ یورپی مارکیٹ تک رسائی کے لیے بھی ضروری ہیں، خاص طور پر کاربن بارڈر ایڈجسٹمنٹ میکنزم (CBAM) کے تناظر میں۔”جغرافیائی محلِ وقوع اور ترقی پاتی توانائی و ٹرانسپورٹ ڈھانچے کے باعث ترکیہ کو خطے میں ایک اہم شراکت دار تصور کیا جا رہا ہے، جس کے تحت مستقبل قریب میں مختلف منصوبوں کے لیے یورپی فنڈنگ کی توقع ہے۔