65
باکو، 25 جولائی – آذربائیجان کے وزیر خارجہ جیہون بایراموف نے ترکیہ کے وزیر خارجہ حقان فیدان سے ٹیلیفونک گفتگو کی، جس میں دو طرفہ تعلقات، علاقائی صورتحال اور عالمی سیکیورٹی کے مختلف پہلوؤں پر تبادلہ خیال کیا گیا۔
نیوز.اے زی کے مطابق، اس اہم گفتگو کے دوران آذربائیجان اور آرمینیا کے درمیان تعلقات کی بحالی کے عمل پر تفصیلی بریفنگ دی گئی۔ دونوں وزرائے خارجہ نے آذربائیجان-ترکیہ اتحاد کے تناظر میں علاقائی و بین الاقوامی تنظیموں میں تعاون، امن و استحکام کے فروغ، اور باہمی حمایت کو مزید مضبوط بنانے کے عزم کا اعادہ کیا۔
دونوں رہنماؤں نے آذربائیجان اور ترکیہ کے درمیان تمام سطحوں پر جاری مضبوط، برادرانہ اور تعمیری تعلقات پر اطمینان کا اظہار کرتے ہوئے خطے میں پائیدار امن کے قیام کے لیے قریبی مشاورت جاری رکھنے پر اتفاق کیا۔
