ترکیہ کا PKK کے ساتھ مذاکرات سے انکار، دہشت گرد تنظیم سےہتھیار ڈالنے کا مطالبہ

ترکیہ کے حکومتی ترجمان اور انصاف و ترقی پارٹی (AKP) کے رکن، اومر چیلک نے ایک اہم بیان میں کہا کہ ترکیہ حکومت کا کوئی رابطہ دہشت گرد تنظیم PKK یا اس کی شامی شاخ YPG کے ساتھ نہیں ہے۔ چیلک نے کہا کہ PKK کے تمام ارکان کو ہتھیار ڈالنے چاہیے اور تنظیم کو ختم کر دینا چاہیے۔ یہ بیان PKK کے قید رہنما، عبداللہ اوجلان کے ایک حالیہ پیغام کے بعد آیا، جس میں انہوں نے اپنی تنظیم کو تحلیل کرنے کی اپیل کی تھی۔ چیلک نے کہا کہ ترکیہ کے صدر رجب طیب ایردوان ہمیشہ سے PKK مسئلے کو ایک قومی مسئلہ نہیں بلکہ جمہوریت کا مسئلہ سمجھتے ہیں، اور ان کی کوشش رہی ہے کہ کرد شہریوں کے حقوق کو بحال کیا جائے۔ انہوں نے کہا کہ ترکیہ کا مقصد دہشت گردی سے پاک ملک ہے اور دہشت گرد گروپوں کے خلاف سخت اور نرم دونوں قسم کی پالیسیوں کو اپنانا ضروری ہے۔