ازبک صدر کا ترک ممالک میں برادرانہ تعلقات کے فروغ پر صدر آذربائیجان سے اظہارِ تشکر

 باکو ( تر کیہ خبر) ازبکستان کے صدر شوکت مرزیایوف نے ترک ریاستوں کی تنظیم (او ٹی ایس) کے تحت تعلقات کے فروغ اور ترک زبان بولنے والی اقوام کے درمیان برادرانہ روابط مضبوط بنانے میں کردار ادا کرنے پر آذربائیجان کے صدر الہام علییف کا شکریہ ادا کیا ہے۔آذرتاج کے مطابق شوکت مرزیایوف نے ان خیالات کا اظہار انقرہ میں ترک ریاستوں کی تنظیم کے سربراہانِ مملکت کونسل کے 13ویں سربراہی اجلاس سے خطاب کرتے ہوئے کیا۔انہوں نے کہا کہ تنظیم کی صدارت کے دوران ترک اقوام کے درمیان برادرانہ تعلقات مضبوط بنانے اور باہمی روابط کو نئی سطح تک پہنچانے کے لیے آذربائیجان نے اہم اقدامات کیے، جس پر وہ صدر الہام حیدر اوغلو علییف کے شکر گزار ہیں۔