لبنان میں اقوام متحدہ کی امن فوج کا مشن جاری، دسمبر میں اختتام اور انخلا کا فیصلہ
بیروت( مانیٹرنگ ڈیسک) لبنان میں اقوام متحدہ کی امن فوج نے واضح کیا ہے کہ مشن کی مدت ختم ہونے کے بعد کے انتظامات پر غور کے باوجود امن و سلامتی کے لیے کام جاری ہے۔فورس کے مطابق وہ سلامتی کونسل کی قرارداد ۱۷۰۱ کے تحت نگرانی، خلاف ورزیوں کی نشاندہی، متعلقہ فریقوں سے رابطے، لبنانی فوج کی مدد اور انسانی امداد کی فراہمی میں تعاون کر رہی ہے۔ سلامتی کونسل نے فیصلہ کیا تھا کہ مشن ۳۱ دسمبر ۲۰۲۶ء کو ختم ہوگا، جس کے بعد اگلے ایک سال میں فوجی اہلکاروں کی مرحلہ وار واپسی عمل میں لائی جائے گی۔