بین الاقوامی تعاون میں آذربائیجان کا نمایاں کردار ہے: الہام علیئیف

باکو: آذربائیجان کے صدر الہام علیئیف کہا ہے کہ عالمی مسائل کے حل کے لیے ممالک کے درمیان یکجہتی، باہمی اعتماد اور مشترکہ ذمہ داریوں کی ادائیگی ناگزیر ہے۔ بین الاقوامی قانون کے اصولوں، انسانی حقوق کے تحفظ اور ریاستوں کے باہمی تعلقات کو قانونی بنیادوں پر استوار کرنے کی کوششیں اسی سوچ کا نتیجہ ہیں۔ تاہم مشترکہ اقدار کا اعلان کرنے کے ساتھ ان کا تحفظ اور خطرات سے نمٹنے کے لیے مشترکہ اقدامات بھی ضروری ہیں۔آذربائیجان نے آزادی کی بحالی کے ابتدائی دور سے ہی بین الاقوامی قانون کی پاسداری اور قومی مفادات کو عالمی تعاون سے ہم آہنگ کرنے کی پالیسی اپنائی۔ حیدر علییف کی متعین کردہ حکمتِ عملی کو صدر الہام علییف کی قیادت میں جاری رکھتے ہوئے ملک نے عالمی سطح پر فعال کردار ادا کرنے، انسانی ہمدردی کے اقدامات اور مختلف ریاستوں کے درمیان مکالمے کے فروغ میں حصہ لیا ہے۔ملکی علاقائی سالمیت اور خودمختاری کی بحالی کے بعد آذربائیجان نے خطے میں پائیدار امن، مواصلاتی روابط کی ترقی اور معاشی اشتراک بڑھانے کے لیے اقدامات پیش کیے ہیں، جو امن اور ترقی پر مبنی علاقائی مستقبل کی خواہش کی عکاسی کرتے ہیں۔