فیتو کے خاتمے تک قانون کے دائرے میں جدوجہد جاری رہے گی، ترک صدر

استنبول( ترکیہ خبر) ترکیہ کے صدر رجب طیب اردوان نے کہا ہے کہ دہشت گرد تنظیم فیتو کے خلاف قانونی دائرہ کار میں جدوجہد اس وقت تک جاری رہے گی جب تک اس خطرے کا مکمل خاتمہ نہیں ہو جاتا۔15 جولائی کی ناکام فوجی بغاوت کی دسویں سالگرہ کے موقع پر خطاب کرتے ہوئے ترک صدر نے کہا کہ ترکیہ کے خلاف دشمنی کا راستہ اختیار کرنے والی دہشت گرد تنظیموں کے لیے اب کوئی راستہ باقی نہیں رہا۔صدر اردوان نے 15 جولائی 2016 کی رات کو یاد کرتے ہوئے کہا کہ اس موقع پر ترک عوام نے وہی جذبہ دوبارہ دکھایا جو جنگِ آزادی کے دوران قوم کی طاقت اور عزم کی علامت تھا۔انہوں نے کہا کہ اس رات پوری دنیا نے ایک مرتبہ پھر دیکھا کہ ترک عوام کتنی عظیم، بہادر اور اپنی آزادی و جمہوریت کے تحفظ کے لیے متحد قوم ہے۔ترک صدر نے اس عزم کا اظہار کیا کہ ریاست قانون کی بالادستی کو برقرار رکھتے ہوئے فیتو سمیت تمام دہشت گرد عناصر کے خلاف اپنی کارروائیاں جاری رکھے گی۔