استنبول( ترکیہ خبر)ترکی کے دفاعی صنعت کے سربراہ نے کہا ہے کہ ترکی اب صرف اپنے دفاعی مصنوعات کی وجہ سے زیرِ نظر ملک نہیں رہا بلکہ ایک ایسے مضبوط دفاعی صنعتی نظام میں تبدیل ہو چکا ہے جس کے ساتھ بین الاقوامی شراکت دار مل کر کام اور مشترکہ پیداوار کرنا چاہتے ہیں۔انادولو ایجنسی سے گفتگو کرتے ہوئے ترک دفاعی صنعت کے سیکریٹری ہالوک گورگن نے بیلجیئم کے اقتصادی مشن کے دورۂ ترکی کے حوالے سے کہا کہ یہ حالیہ پیش رفت دراصل برسوں کے باہمی اعتماد، ادارہ جاتی روابط اور میدان میں ثابت شدہ صلاحیتوں کا نتیجہ ہے۔انہوں نے کہا کہ آج جو کچھ نظر آ رہا ہے وہ چند دنوں کی سرگرمیوں کا نتیجہ نہیں بلکہ مسلسل روابط، باہمی اعتماد اور عملی میدان میں آزمائی گئی صلاحیتوں کا حاصل ہے۔ہالوک گورگن کے مطابق ترکی اب ایسا ملک بن چکا ہے جس کی صرف مصنوعات کو نہیں دیکھا جاتا بلکہ وہ ایک مکمل دفاعی صنعتی نظام کے طور پر سامنے آیا ہے، جس کے ساتھ دیگر ممالک شراکت اور مشترکہ پیداوار میں دلچسپی رکھتے ہیں۔
