ترکیہ مغرب کے درمیان پل کا کردار ادا کر رہا ہے: برہان الدین دوران

انقرہ (ترکیہ خبر) ترکیہ کے شعبہ اطلاعات کے سربراہ برہان الدین دوران نے کہا ہے کہ ترکیہ کو اکثر مشرق اور مغرب کے درمیان ایک پل کے طور پر دیکھا جاتا ہے، تاہم موجودہ عالمی بحرانوں کے تناظر میں ملک اپنی سفارتی صلاحیتوں کے باعث اب "مغرب اور مغرب کے درمیان پل" کا کردار ادا کر رہا ہے۔انہوں نے یہ بات انقرہ میں منعقدہ نیٹو اتحادیوں کے عنوان سے ہونے والی تقریب سے خطاب کرتے ہوئے کہی، جس کا انعقاد شعبہ اطلاعات، سیاسی، اقتصادی و سماجی تحقیق کے ادارے اور میونخ سیکیورٹی کانفرنس کے تعاون سے کیا گیا تھا۔برہان الدین دوران نے کہا کہ ترکیہ اپنی وسیع سفارتی رسائی اور کشیدگی میں کمی لانے کی صلاحیت کے ذریعے مغربی ممالک کے درمیان رابطے کا اہم ذریعہ بن چکا ہے۔انہوں نے کہا کہ ترکیہ کو نیٹو کا رکن بنے 74 سال ہو چکے ہیں اور اپنی فوجی صلاحیت کے باعث یہ اتحادی ممالک میں دوسرے نمبر پر ہے۔ انہوں نے زور دیا کہ نیٹو اتحاد میں ترکیہ کے کردار کو اس کی "اسٹریٹجک خودمختاری، عملی تجربے اور یورپ و بحر اوقیانوس کی سلامتی کے لیے منفرد کردار" کے تناظر میں دیکھا جانا چاہیے۔برہان الدین دوران نے انقرہ میں ہونے والے نیٹو اجلاس کو اتحاد کی تاریخی ترقی میں ایک اور اہم موڑ قرار دیتے ہوئے کہا کہ 2004 میں ترکیہ کی جانب سے پہلی بار نیٹو سربراہی اجلاس کی میزبانی کے بعد سے عالمی چیلنجز کی نوعیت تبدیل ہو چکی ہے۔