ترکی غیر ملکی سرمایہ کاری اور ٹیلنٹ کو راغب کرنے کی پالیسیوں میں تیزی

برلن( ترکیہ خبر) ترکی کے انویسٹمنٹ اینڈ فنانس آفس کے سربراہ احمد بوراک داغلی اوغلو نے کہا ہے کہ ترکی ٹیکنالوجی اسٹارٹ اپس کے لیے ایک علاقائی مرکز کے طور پر ابھر رہا ہے اور حکومت عالمی سرمایہ اور ہنر مند افراد کو ملک کی طرف راغب کرنے کے لیے مؤثر پالیسیاں نافذ کر رہی ہے۔برلن میں منعقدہ GITEX AI یورپ 2026 ایونٹ کے موقع پر گفتگو کرتے ہوئے انہوں نے کہا کہ متحدہ عرب امارات میں منعقد ہونے والا یہ عالمی ٹیک سمٹ دنیا کے بڑے ٹیکنالوجی ایونٹس میں سے ایک ہے، جہاں ترک کمپنیاں اپنے منصوبے قومی پویلین کے تحت پیش کر رہی ہیں۔انہوں نے بتایا کہ ترکی ستمبر میں GITEX AI نمائش کی میزبانی کرے گا، اور برلن میں ہونے والا ایونٹ اس بڑے ایونٹ کی تیاری کا حصہ ہے، جو وزارت صنعت و ٹیکنالوجی کے تعاون سے منعقد کیا جا رہا ہے۔ان کے مطابق ترکی اس پلیٹ فارم پر اپنی مضبوط ڈیجیٹل انفراسٹرکچر اور مستقبل کے اہداف کو عالمی شرکا کے سامنے پیش کرے گا اور بین الاقوامی سرمایہ کاروں کو ترکی میں ٹیکنالوجی ایونٹس میں شرکت کی دعوت دے گا۔انہوں نے مزید کہا کہ ترکی میں GITEX برانڈ کا ایک مقامی ایڈیشن بھی شروع کیا جا رہا ہے تاکہ مصنوعی ذہانت اور ٹیکنالوجی کے شعبے سے وابستہ کاروباری افراد، سرمایہ کاروں اور صارفین کو ایک ہی پلیٹ فارم پر اکٹھا کیا جا سکے۔داغلی اوغلو کے مطابق مشرقی یورپ، وسطی ایشیا، شمالی افریقہ، پاکستان اور بنگلہ دیش سمیت مختلف خطوں کے ٹیکنالوجی کاروباری افراد ترکی کو سرمایہ کاری اور ترقی کے لیے ترجیح دے رہے ہیں۔