ترک وزیر خارجہ کی باکو میں آذربائیجانی اور سری لنکن ہم منصبوں سے ملاقاتیں

انقرہ( تر کیہ خبر) ترکیہ کے وزیر خارجہ حاقان فیدان نے جمعرات کو آذربائیجان کے دارالحکومت باکو میں اپنے آذربائیجانی ہم منصب جیہون بیراموف سے ملاقات کی۔ترک وزارت خارجہ کے مطابق یہ ملاقات ایشیا میں باہمی تعامل اور اعتماد سازی کے اقدامات سے متعلق کانفرنس (سیکا) کے ساتویں سربراہی اجلاس کے موقع پر ہوئی۔ وزارت نے ملاقات کی مزید تفصیلات جاری نہیں کیں۔حاقان فیدان نے سربراہی اجلاس کے موقع پر سری لنکا کے وزیر خارجہ وجیتا ہیراتھ سے بھی بات چیت کی۔