ترک وزیر خارجہ اور وزیر دفاع کی کروشین پارلیمانی اسپیکر سے ملاقاتیں

انقرہ (مانیٹرنگ ڈیسک) ترکیہ کے وزیر خارجہ حقان فیدان نے جمعرات کو انقرہ میں کروشیا کے پارلیمانی اسپیکر گورڈان یانڈروکووچ سے ملاقات کی، جو سرکاری دورے پر ترکیہ پہنچے ہوئے ہیں۔سفارتی ذرائع کے مطابق ملاقات میں دوطرفہ تعلقات اور باہمی تعاون سے متعلق امور زیرِ بحث آئے۔دوسری جانب ترکیہ کے وزیر دفاع یشار گولر نے بھی وزارت دفاع میں کروشین پارلیمانی اسپیکر سے ملاقات کی، جس کے دوران دونوں رہنماؤں نے اپنے اپنے وفود کی سطح پر ہونے والے مذاکرات کی مشترکہ صدارت کی۔ترک وزارت دفاع کی جانب سے جاری بیان میں ملاقات اور وفود کے درمیان ہونے والی بات چیت کی تصدیق کی گئی۔