باکو میٹرو کے قیام کو 59 سال مکمل، 1967 میں پہلی ٹرین چلی

باکو ( تر کیہ خبر) آذربائیجان کے دارالحکومت باکو میں 59 سال قبل 6 نومبر کو زیرِ زمین سفری نظام کا افتتاح کیا گیا، جو شہر کی تاریخ میں ایک اہم سنگِ میل کی حیثیت رکھتا ہے۔آذرتاج نے میٹرو ملازمین کے پیشہ ورانہ دن کے موقع پر باکو میٹرو کی 59 سالہ کارکردگی اور ترقی کا جائزہ پیش کیا ہے۔باکو میٹرو کے قیام اور تعمیراتی مراحل کو مختلف ادوار میں تقسیم کیا جا سکتا ہے۔ ابتدائی منصوبہ بندی کے دوران ہی تعمیر اور افتتاح کے مراحل طے کر لیے گئے تھے۔ منصوبہ سازوں اور تعمیراتی ماہرین نے اس منصوبے کو 4 مرحلوں میں مکمل کرنے پر اتفاق کیا تھا۔منصوبے کے پہلے مرحلے میں 10.1 کلومیٹر طویل ریلوے ٹریک تعمیر کیا گیا، جس میں موجودہ ناموں کے مطابق اچری شہر، ساحل، 28 مئی، گنجلیک، نریمانوف اور خطائی اسٹیشن شامل تھے۔ابتدائی 5 اسٹیشنز 6 نومبر 1967 کو عوام کے لیے کھول دیے گئے، جبکہ خطائی اسٹیشن کو 22 فروری 1968 کو فعال کیا گیا۔ اس طرح باکو میں جدید زیرِ زمین سفری نظام کی بنیاد رکھی گئی، جس نے شہر کی آمدورفت میں اہم کردار ادا کیا۔