آذربائیجان میں ریڈیو نشریات کے آغاز کو 100 سال مکمل، تاریخی سفر جاری

باکو ( تر کیہ خبر) آذربائیجان میں پہلی ریڈیو نشریات 6 نومبر 1926 کو شروع ہوئیں، یہ دن ملک میں ریڈیو اور ٹیلی وژن کی تاریخ کا اہم سنگِ میل ثابت ہوا۔ اسی تاریخی مناسبت سے ہر سال 6 نومبر کو نشریاتی اداروں کے ملازمین کا پیشہ ورانہ دن منایا جاتا ہے۔آذرتاج نے اس موقع پر آذربائیجان کے ریڈیو اور ٹیلی وژن کے ارتقائی سفر اور نمایاں کامیابیوں کا جائزہ پیش کیا ہے۔6 نومبر 1926 کو پہلی مرتبہ آذربائیجان میں ریڈیو پروگرام نشر کیے گئے۔ اس تاریخی روز دارالحکومت کی سڑکوں اور چوراہوں پر نصب لاؤڈ اسپیکروں سے ’’بول رہا ہے باکو‘‘ کے الفاظ گونجے، جو اس وقت آذربائیجان کے سیاسی اور ثقافتی ماحول میں ایک بڑی پیش رفت تھی۔بعدازاں ملک میں ٹیلی وژن کے قیام کے ساتھ ہی اس تاریخ کو صرف ریڈیو ہی نہیں بلکہ ریڈیو اور ٹیلی وژن کی نشریات کے آغاز کی یادگار کے طور پر بھی منایا جانے لگا۔باکو ٹیلی وژن اسٹوڈیو نے پہلی مرتبہ 14 فروری 1956 کو اپنی نشریات کا آغاز کیا۔ افتتاحی پروگرام میں معروف مرحوم فنکارہ نجیبہ ملیکووا اسکرین پر نمودار ہوئیں اور ’’دکھا رہا ہے باکو‘‘ کے الفاظ سے اپنی گفتگو شروع کی۔اسی روز ٹیلی وژن پر پہلی فلم ’’بختیار‘‘ بھی پیش کی گئی، جس نے آذربائیجان میں نشریاتی تاریخ کے ایک نئے دور کا آغاز کیا۔