ٹرمپ کا اردوان سے ٹیلی فونک رابطہ، ترک ریاستوں کے اجلاس پر گفتگو

استنبول (تر کیہ خبر) امریکی صدر ڈونلڈ ٹرمپ نے جمعرات کو یومِ جمہوریہ 29 اکتوبر کے موقع پر عالمی رہنماؤں کے اعزاز میں دیے گئے عشائیے کے دوران ترک صدر رجب طیب اردوان سے ٹیلی فون پر رابطہ کیا، جس میں تنظیمِ ترک ریاستوں کے رواں ہفتے ہونے والے سربراہی اجلاس پر تبادلہ خیال کیا گیا۔ترک ایوانِ صدر کے شعبہ اطلاعات کے مطابق اردوان نے ٹرمپ کو عشائیے میں شریک رہنماؤں کی جانب سے نیک تمنائیں پہنچائیں اور بتایا کہ تنظیم کا 13واں سربراہی اجلاس دارالحکومت انقرہ میں منعقد ہوگا۔اردوان نے کہا کہ اجلاس میں تنظیم کو مزید فعال بنانے کے لیے اہم فیصلے کیے جائیں گے۔ ان کے بقول 20 کروڑ سے زائد آبادی پر مشتمل وسطی ایشیا میں یہ تنظیم استحکام اور سلامتی کا اہم ذریعہ بن چکی ہے۔