تاجک وزیراعظم کو آذربائیجان آمد پر سرکاری اعزاز اور پرتپاک استقبال

باکو( تر کیہ خبر)تاجکستان کے وزیراعظم کوخیر رسول زادہ سرکاری دورے پر آذربائیجان پہنچ گئے، جہاں حیدر علی یوف بین الاقوامی ہوائی اڈے پر ان کا باضابطہ استقبال کیا گیا۔دونوں ممالک کے قومی پرچموں سے سجے ہوائی اڈے پر تاجک وزیراعظم کے اعزاز میں گارڈ آف آنر پیش کرنے کے لیے دستہ موجود تھا۔آذربائیجان کے نائب وزیراعظم سمیر شریفوف، نائب وزیر خارجہ فاریز رضایف اور دیگر اعلیٰ حکام نے ہوائی اڈے پر کوخیر رسول زادہ کا استقبال کیا۔