گلوبل سمود فلوٹیلا کے 422 کارکنوں کی اسرائیل سے ترکیہ واپسی کا عمل جاری

استنبول( ترکیہ خبر)ترکیہ کی وزارت خارجہ کے ذرائع کے مطابق گلوبل سمود فلوٹیلا کے مجموعی 422 شرکاء کو اسرائیل کے رامون ایئرپورٹ سے روانہ کر دیا گیا ہے اور وہ ترکیہ کی جانب سفر کر رہے ہیں۔ذرائع نے بتایا کہ ان افراد میں 85 ترک شہری بھی شامل ہیں، جنہیں خصوصی پروازوں کے ذریعے واپس لایا جا رہا ہے۔وزارت خارجہ کے مطابق یہ انخلا کا عمل ترکیہ کی سفارت خانے کی نگرانی میں انجام دیا جا رہا ہے، جبکہ اسرائیلی فورسز کے زیر حراست تمام افراد کو تل ابیب میں ترک سفارت خانے کے حکام کی نگرانی میں ایئرپورٹ منتقل کیا گیا۔حکام کا کہنا ہے کہ یہ کارروائی مکمل سفارتی رابطوں اور مربوط کوششوں کے نتیجے میں ممکن ہوئی، اور تمام شرکاء کو محفوظ طریقے سے وطن واپس پہنچایا جا رہا ہے۔