صدر الہام علییف اور سلوواک صدر نے شوشا میں گولیوں سے چھلنی تاریخی مجسموں کا معائنہ کیا
شوشا( ترکیہ خبر) آذربائیجان کے صدر الہام علییف اور سلوواکی کے صدر پیٹر پیلیگرینی نے شوشا میں آذربائیجان کی ممتاز شخصیات کے گولیوں سے چھلنی تاریخی مجسموں کا معائنہ کیا۔دورے کے دوران دونوں رہنماؤں نے معروف شاعرہ خورشید بانو نتاوان، نامور گلوکار بلبل اور عظیم موسیقار عزیر حاجی بیگلی کے مجسموں کو دیکھا، جن پر ماضی کے تنازع کے دوران گولیوں کے نشانات آج بھی موجود ہیں۔اس موقع پر مہمان صدر کو شوشا کی تاریخی اور ثقافتی اہمیت، جنگ کے دوران ہونے والے نقصانات اور شہر میں جاری بحالی و تعمیرِ نو کے منصوبوں کے بارے میں بھی آگاہ کیا گیا۔