مسلمان دیوار کی اینٹوں کی طرح متحد ہوجائیں، اردوان

انقرہ( تر کیہ خبر) ترکیہ کے صدر رجب طیب اردوان نے مسلم ممالک کے درمیان اتحاد کی ضرورت پر زور دیتے ہوئے کہا ہے کہ مسلمانوں کو دیوار کی مضبوط اینٹوں کی مانند متحد ہونا چاہیے۔ترک صدر نے کہا کہ ترکیہ اسلامی ممالک کے درمیان اختلافات ختم یا کم کرنے اور باہمی تعاون بڑھانے کے لیے مسلسل کوششیں کررہا ہے۔ان کے مطابق موجودہ حالات میں مسلم دنیا کا باہمی اتحاد پہلے سے کہیں زیادہ ضروری ہوگیا ہے۔ مسلمانوں نے صدیوں تک تاریخ کی تشکیل میں اہم کردار ادا کیا اور دنیا میں امن و استحکام کے قیام میں اپنا حصہ ڈالا۔رجب طیب اردوان نے کہا کہ دنیا اس وقت حق و باطل کے درمیان ایک اہم اور تاریخی کشمکش سے گزر رہی ہے، تاہم انہیں یقین ہے کہ بالآخر حق کو کامیابی حاصل ہوگی۔انہوں نے مسلم ممالک پر زور دیا کہ وہ اختلافات کو پسِ پشت ڈال کر مشترکہ مفادات کے لیے مل کر کام کریں۔ ترک صدر کے مطابق اسلامی دنیا کو درپیش چیلنجز کا مقابلہ مؤثر انداز میں کرنے کے لیے مضبوط اور متحد ہونا ناگزیر ہے۔