آذربائیجان میں بارودی سرنگوں سے 443 افراد متاثر، تعمیر نو متاثر ہونے کا خدشہ

 باکو ( تر کیہ خبر) آذربائیجان نے کہا ہے کہ بارودی سرنگوں اور جنگی دھماکا خیز مواد کی باقیات سے پیدا ہونے والا مسلسل خطرہ تنازع کے بعد بحالی اور تعمیر نو کی کوششوں میں بڑی رکاوٹ بن رہا ہے۔ اقوام متحدہ میں آذربائیجان کی مستقل نمائندہ کے مشیر ناہیدہ باگیرووا نے سلامتی کونسل میں ’’خواتین، امن اور سلامتی‘‘ کے موضوع پر کھلی بحث کے دوران بتایا کہ نومبر 2020 سے اب تک خواتین اور بچوں سمیت 443 افراد بارودی سرنگوں اور غیر پھٹے ہوئے گولہ بارود سے متعلق واقعات میں متاثر ہو چکے ہیں۔انہوں نے کہا کہ یہ صورتحال انسانی بنیادوں پر بارودی سرنگیں صاف کرنے کی صلاحیت بڑھانے اور عالمی تعاون میں اضافے کی ضرورت کو مزید نمایاں کرتی ہے۔