شمالی قبرص میں امن آپریشن کی 52ویں سالگرہ، تقریب کا انعقاد

استنبول( تر کیہ خبر) ترک جمہوریہ شمالی قبرص میں پیر کے روز 1974 کے ترکیہ کے قبرص امن آپریشن اور 20 جولائی امن و آزادی دن کی 52ویں سالگرہ کے موقع پر خصوصی تقریب منعقد کی گئی۔دارالحکومت لفکوشا میں اتاترک یادگار پر ہونے والی تقریب میں شمالی قبرص کے صدر طفان ارحرمان، ترکیہ کے نائب صدر جودت یلماز، شمالی قبرص کی پارلیمنٹ کے اسپیکر ضیا اوزترکلر، وزیراعظم اونال اوستل، دونوں ممالک کے اعلیٰ حکام اور عوام کی بڑی تعداد نے شرکت کی۔تقریب کا آغاز ایک منٹ کی خاموشی اور ترکیہ کے قومی ترانے سے ہوا، جس کے بعد اتاترک یادگار پر پھولوں کی چادریں چڑھائی گئیں۔تقریب کے اختتام پر شمالی قبرص کے صدر طفان ارحرمان اور ترکیہ کے نائب صدر جودت یلماز نے یادگار کی کتاب میں اپنے تاثرات درج کیے۔ضامن طاقت کے طور پر ترکیہ کا کردارقبرص کئی دہائیوں سے یونانی اور ترک قبرصی برادریوں کے درمیان تنازع کا شکار ہے، جبکہ اقوام متحدہ کی جانب سے جامع حل کے لیے سفارتی کوششیں بھی جاری رہی ہیں۔1960 کی دہائی کے آغاز میں نسلی بنیادوں پر ہونے والے حملوں کے باعث ترک قبرصی باشندے اپنی حفاظت کے لیے محدود علاقوں میں منتقل ہونے پر مجبور ہوئے۔