کینیڈین وزیراعظم مارک کارنی نیٹو اجلاس میں شرکت کیلئے انقرہ پہنچ گئے

استنبول (ترکیہ خبر) کینیڈا کے وزیراعظم مارک کارنی دو روزہ 36ویں نیٹو سربراہی اجلاس میں شرکت کے لیے ترکیہ کے دارالحکومت انقرہ پہنچ گئے ہیں۔کینیڈین وزیراعظم کا طیارہ انقرہ کے اسن بوغا ایئرپورٹ پر اترا، جہاں ان کا استقبال ترکیہ کے وزیر خزانہ و مالیات مہمت شمشک اور دیگر اعلیٰ حکام نے کیا۔دورے کے دوران مارک کارنی کی ترکیہ کے صدر رجب طیب اردوان سے صدارتی کمپلیکس میں ملاقات بھی متوقع ہے، جس میں دوطرفہ تعلقات اور عالمی امور پر بات چیت کی جائے گی۔دو روزہ نیٹو اجلاس میں 2025 کے سربراہی اجلاس میں طے پانے والے دفاعی اخراجات سے متعلق وعدوں پر عمل درآمد، یوکرین کے لیے فوجی تعاون جاری رکھنے اور دفاعی صنعت کی پیداوار میں اضافے جیسے اہم امور پر غور کیا جائے گا۔یوکرین کے صدر ولادیمیر زیلنسکی بھی اجلاس سے متعلق مختلف تقریبات میں شرکت کریں گے۔