باکو: شہری منصوبہ بندی فورم کی نمائش میں لیلیٰ علییوا اور آروزو علییوا کی شرکت

باکو( ترکیہ خبر)آذربائیجان کے دارالحکومت باکو میں عالمی شہری منصوبہ بندی فورم کے تیرہویں اجلاس کے تحت منعقدہ “اربن ایکسپو” نمائش کا دورہ کیا گیا۔یہ دورہ 21 مئی کو کیا گیا جس میں حیدر علییف فاؤنڈیشن کی نائب صدر، آئیڈیا پبلک یونین کی بانی اور سربراہ لیلیٰ علییوا اور باکو میڈیا سینٹر کی سربراہ آروزو علییوا نے شرکت کی۔دورے کے دوران انہوں نے آذربائیجان سمیت مختلف ممالک کے قومی پویلینز اور اسٹالز کا معائنہ کیا جہاں جدید شہری منصوبہ بندی اور اختراعی حل پیش کیے گئے تھے۔اس موقع پر دونوں شخصیات نے شرکاء اور زائرین سے ملاقاتیں بھی کیں اور ان کے ساتھ یادگاری تصاویر بھی بنوائیں۔