الہام علیوف کی جماعت کے اجلاس میں طے شدہ اہداف پر عملدرآمد کے لیے باکو میں مشاورتی اجلاس

باکو( تر کیہ خبر) آذربائیجان کے دارالحکومت باکو کے ضلع پیرااللہ میں صدر اور نیو آذربائیجان پارٹی کے سربراہ الہام علیوف کی جماعت کے آٹھویں کانگریس میں کی گئی تقریر سے متعلق امور پر عملدرآمد کے لیے ضلعی مشاورتی اجلاس منعقد ہوا۔ اجلاس 15 اکتوبر کو ضلعی انتظامیہ کے زیر اہتمام منعقد کیا گیا۔آذربائیجان کی سرکاری خبر رساں ایجنسی کے مطابق اجلاس کا آغاز قومی رہنما حیدر علیوف اور آذربائیجان کی علاقائی سالمیت اور ریاستی خودمختاری کے دفاع میں جانیں قربان کرنے والے شہدا کی یاد میں ایک منٹ کی خاموشی اور قومی ترانے سے ہوا۔اجلاس میں ضلع پیرااللہ کے انتظامی سربراہ واسف ایمانوف، نیو آذربائیجان پارٹی کی ضلعی شاخ کے صدر ایمل عباسوف، قانون نافذ کرنے والے اداروں کے سربراہان، ضلعی بزرگوں کی کونسل کے چیئرمین علی کریموف، ضلعی انتظامیہ کے ذمہ دار افسران، مقامی سرکاری و نجی اداروں اور غیر سرکاری تنظیموں کے نمائندوں سمیت شہدا کے اہل خانہ نے شرکت کی۔ضلعی انتظامی سربراہ واسف ایمانوف نے خطاب کرتے ہوئے کہا کہ صدر الہام علیوف کی جماعت کی آٹھویں کانگریس میں بیان کردہ خیالات ملک کی آئندہ ترقی کی ترجیحات کا تعین کرتے ہیں۔ ان سے ریاستی آزادی کو مستحکم کرنے اور قومی و اخلاقی اقدار کے تحفظ کے حوالے سے اہم ذمہ داریاں بھی واضح ہوتی ہیں۔انہوں نے کہا کہ اجلاس کا انعقاد 15 اکتوبر کو ہونا خصوصی اہمیت رکھتا ہے، کیونکہ اسی تاریخ کو 2023 میں الہام علیوف پہلی مرتبہ صدر منتخب ہوئے تھے۔ ان کے بقول، گزشتہ برسوں کے دوران صدر نے عوام سے کیے گئے وعدے پورے کیے ہیں۔اجلاس میں اس امر پر بھی زور دیا گیا کہ الہام علیوف کی قیادت کے 23 برسوں میں آذربائیجان نے مختلف شعبوں میں نمایاں ترقی کی، عوام کا معیارِ زندگی بہتر ہوا، ملک کی سیاسی و اقتصادی صلاحیت میں اضافہ ہوا اور عالمی سطح پر اس کی حیثیت مضبوط ہوئی۔ اس عرصے میں تقریباً 30 برس سے متاثرہ علاقائی سالمیت بھی بحال کی گئی۔مقررین کے مطابق، آج خطے میں جاری تمام بڑے بین الاقوامی منصوبوں میں آذربائیجان شریک ہے اور ان پر عملدرآمد کے دوران ملک کے قومی مفادات کو مدنظر رکھا جاتا ہے۔ انہوں نے کہا کہ ان کامیابیوں کے باعث آذربائیجان کے عوام اپنے صدر اور ریاست پر فخر کرتے ہیں، قیادت پر اعتماد رکھتے ہیں اور اس کے فیصلوں کی بھرپور حمایت کرتے ہیں۔