صدرِ آذربائیجان کی سلوواکیہ کے نائب وزیرِاعظم سے ملاقات، دوطرفہ تعاون پر تبادلہ خیال

باکو( ترکیہ خبر)الہام علییف نےٹوماش ترابا سے ملاقات کی، جس میں دونوں ممالک کے درمیان تعلقات، توانائی تعاون اور دیگر شعبوں میں شراکت داری پر تبادلہ خیال کیا گیا۔آذربائیجان کے دارالحکومت باکو میں ہونے والی اس ملاقات میں صدر الہام علییف نے کہا کہ آذربائیجان اور سلوواکیہ کے درمیان دوستانہ اور اسٹریٹجک شراکت داری موجود ہے اور اعلیٰ سطحی روابط میں مسلسل اضافہ ہو رہا ہے۔انہوں نے کہا کہ گزشتہ برس دونوں ممالک کے رہنماؤں کے دوروں اور وفود کے تبادلوں سے دوطرفہ تعاون مزید مضبوط ہوا ہے۔سلوواکیہ کے نائب وزیرِاعظم ٹوماش ترابا نے کہا کہ ان کا ملک ہمیشہ آذربائیجان کی حمایت کرتا رہا ہے اور توانائی کے شعبے میں آذربائیجان ایک قابلِ اعتماد شراکت دار ثابت ہوا ہے۔ملاقات میں اس بات پر بھی گفتگو ہوئی کہ آذربائیجان مختلف یورپی ممالک کو توانائی فراہم کر رہا ہے اور مستقبل میں اس تعاون کے مزید بڑھنے کے امکانات موجود ہیں۔دونوں رہنماؤں نے عالمی شہری ترقی فورم کے انعقاد کو بھی اہم قرار دیا اور مختلف شعبوں میں تعاون کو وسعت دینے پر اتفاق کیا۔