پنجاب کے سیا حتی علا قوں میں شدید طوفانی بارشوں کی وارننگ، شہری محتاط رہیں

لاہور… ترجمان پی ڈی ایم اے نے بتایا ہے کہ 29 اگست سے 2 ستمبر تک پنجاب کے بیشتر اضلاع میں شدید طوفانی بارشیں متوقع ہیں۔ بارشیں راولپنڈی، مری، گلیات، اٹک، چکوال، جہلم، گوجرانولہ، لاہور، گجرات اور سیالکوٹ میں متوقع ہیں، جبکہ ڈیرہ غازی خان، ملتان اور راجن پور میں بھی بارش کا امکان ہے۔ریلیف کمشنر پنجاب نبیل جاوید نے تمام کمشنرز اور ڈپٹی کمشنرز کو الرٹ رہنے کی ہدایات جاری کی ہیں، اور وزیر اعلی پنجاب کی ہدایت پر ضلعی انتظامیہ کو بھی الرٹ کر دیا گیا ہے۔ مون سون کی بارشوں سے دریاں اور ندی نالوں میں شدید سیلاب کا خطرہ ہے، خصوصا دریائے چناب، راوی اور ستلج میں انتہائی اونچے درجے کے سیلاب کا امکان ہے۔شہریوں سے اپیل کی گئی ہے کہ خراب موسم میں احتیاط کریں، دریاں کے اطراف نہ جائیں، غیر ضروری سفر سے گریز کریں اور ایمرجنسی صورت حال میں پی ڈی ایم اے ہیلپ لائن 1129 سے رابطہ کریں۔