مریم نواز کے اقدامات: پنجاب میں جدید الیکٹرک بسیں، کرایہ صرف 20 روپے

لاہور…: وزیراعلی پنجاب مریم نواز شریف کی کاوشوں کے نتیجے میں صوبے کے عوام کے لیے جدید سفری سہولت میں ایک اور اہم سنگ میل حاصل کر لیا گیا ہے۔ شنگھائی سی پورٹ سے مزید 100 جدید الیکٹرک بسیں پاکستان روانہ کر دی گئی ہیں جو چند ہفتوں میں پنجاب پہنچ جائیں گی۔وزیراعلی نے عوام کو خوشخبری دیتے ہوئے کہا کہ دسمبر تک پنجاب کے ہر ضلع میں یہ جدید الیکٹرک بسیں سڑکوں پر رواں دواں ہوں گی اور کرایہ صرف 20 روپے ہوگا، تاکہ عام شہری بھی کم خرچ میں آرام دہ اور معیاری سفر کر سکیں۔مریم نواز شریف نے بتایا کہ بسوں میں جدید سہولیات فراہم کی گئی ہیں جن میں ایئر کنڈیشنڈ اور اندرونی موسم کنٹرول کا نظام شامل ہے، جبکہ خواتین کے لیے سی سی ٹی وی مانیٹرنگ سسٹم بھی نصب کیا گیا ہے تاکہ ہراسانی سے بچا ممکن ہو سکے۔وزیراعلی نے مزید کہا کہ یہ الیکٹرک بسیں ماحولیاتی آلودگی کم کرنے میں بھی مددگار ہوں گی اور شہریوں کو آرام دہ اور جدید ٹرانسپورٹ کی سہولت فراہم کریں گی۔ انہوں نے یقین دلایا کہ بہت جلد پنجاب کے ہر ضلع کے عوام یہ سہولت اپنی آنکھوں کے سامنے دیکھ سکیں گے۔