52
اسلام آباد — نائب وزیراعظم و وزیرِ خارجہ سینیٹر محمد اسحاق ڈار اور آذربائیجان کے وزیرِ خارجہ جیہون بیراموف کے درمیان ٹیلیفونک رابطہ ہوا، جس میں دونوں ممالک کے مابین دوطرفہ تعاون کے فروغ اور باہمی دلچسپی کے امور پر تفصیلی گفتگو کی گئی۔
گفتگو کے دوران دونوں وزرائے خارجہ نے پاکستان اور آذربائیجان کے درمیان اسٹریٹجک شراکت داری کو سراہا اور باہمی دوستانہ تعلقات کو مزید مضبوط بنانے کے عزم کا اعادہ کیا۔
دونوں رہنماؤں نے اقوامِ متحدہ اور اسلامی تعاون تنظیم (OIC) سمیت بین الاقوامی فورمز پر پاکستان و آذربائیجان کے درمیان جاری فعال اور مؤثر تعاون پر اطمینان کا اظہار کیا۔
یہ رابطہ دوطرفہ سفارتی تعلقات کو مزید وسعت دینے اور خطے میں پائیدار استحکام کے لیے مشترکہ کوششوں کا حصہ ہے۔
