ایردوان نے صدر زرداری اور وزیراعظم شہباز شریف کو الیکٹرک کار کا تحفہ دے دیا

ترک صدر رجب طیب ایردوان نے صدر آصف علی زرداری اور وزیراعظم شہباز شریف کو ترک ساختہ الیکٹرک کار کا تحفہ دیا۔ وزیراعظم شہباز شریف نے گاڑی کو خود چلایا، جبکہ ترک صدر ان کے ساتھ برابر والی نشست پر موجود تھے۔ اس موقع پر، آصفہ بھٹو زرداری نے بھی گاڑی چلائی، اور ترک صدر ان کے ساتھ فرنٹ سیٹ پر بیٹھے۔ صدر زرداری پیچھے کی نشست پر موجود تھے۔ آصف علی زرداری اور وزیراعظم شہباز شریف نے اس خوبصورت تحفے کے لیے ترک صدر کا شکریہ ادا کیا۔