ترک وزیرِ خارجہ کی سلووینیا کی نائب وزیرِ اعظم سے اہم ملاقات

ترکیہ کے وزیرِ خارجہ حاقان فیدان نے انقرہ میں سلووینیا کی نائب وزیرِ اعظم اور وزیرِ خارجہ تانجا فاجون سے ملاقات کی، جس میں دونوں ممالک کے تعلقات اور اہم عالمی مسائل پر تبادلہ خیال کیا گیا۔ اس ملاقات میں دونوں وزرائے خارجہ نے تجارتی اور اقتصادی تعلقات کو مزید مستحکم کرنے کی اہمیت پر زور دیا اور دفاعی شعبے میں باہمی تعاون بڑھانے کے امکانات پر بات کی۔
ملاقات میں شام اور غزہ کی صورتِ حال پر بھی گفتگو کی گئی۔فیدان نے عالمی برادری سے مطالبہ کیا کہ وہ شام میں قیامِ امن اور غزہ میں مستقل جنگ بندی کے لیے مزید اقدامات کرے، ساتھ ہی دونوں خطوں میں انسانی امداد کی بلا رکاوٹ ترسیل کو یقینی بنانے پر زور دیا۔یہ ملاقات دونوں ممالک کے تعلقات کو مزید مستحکم کرنے اور مشترکہ چیلنجز پر تعاون بڑھانے کی طرف ایک اہم قدم ثابت ہو گی۔