59
فلسطینی صدر محمود عباس نے اقوام متحدہ پر زور دیا ہے کہ وہ غزہ میں جنگ بندی کے حوالے سے سلامتی کونسل کی قرارداد 2735 پر عمل درآمد یقینی بنائے۔ سرکاری خبر رساں ایجنسی وفا کے مطابق، محمود عباس نے اقوام متحدہ کے مشرق وسطیٰ امن عمل کے خصوصی رابطہ افسر، ٹور وینس لینڈ، کو رام اللہ میں الوداعی ملاقات کے دوران غزہ، مغربی کنارے، اور مشرقی یروشلم کی تازہ صورتِ حال اور فلسطینی انتظامیہ کی جاری کوششوں پر بریفنگ دی۔
محمود عباس نے زور دیا کہ اقوام متحدہ نہ صرف قرارداد پر عمل درآمد کے لیے ذمہ داری لے بلکہ غزہ میں امدادی سرگرمیوں کو تیز کرنے، اسرائیلی افواج کے مکمل انخلا، اور ریاستِ فلسطین کو مکمل خودمختاری دلانے کے اقدامات بھی کرے۔
