قطر کا اسرائیلی حملے پر سخت ردعمل، ریاستی دہشت گردی قرار

قطر…قطر کے وزیراعظم شیخ محمد بن عبدالرحمان الثانی نے دوحہ میں اسرائیلی حملے کو ‘ریاستی دہشت گردی’ قرار دے دیا ہے۔ اپنی پہلی پریس کانفرنس میں انہوں نے واضح کیا کہ قطر اسرائیلی حملے کے جواب کا حق محفوظ رکھتا ہے اور اس واقعے کو ہرگز نظر انداز نہیں کیا جائے گا۔وزیراعظم نے کہا کہ وہ محض بیانات اور مذمت تک محدود نہیں رہیں گے بلکہ ردعمل دینے کے تمام ذرائع استعمال کیے جائیں گے۔ اس سلسلے میں ایک قانونی ٹیم بھی تشکیل دی جا رہی ہے تاکہ اسرائیل کو جوابدہ ٹھہرایا جا سکے۔شیخ محمد نے مزید کہا کہ یہ واقعہ پورے خطے کو انتشار کی طرف دھکیل رہا ہے اور اسرائیلی اقدامات پورے خطے میں افراتفری پیدا کر رہے ہیں۔ انہوں نے بتایا کہ حملے کا وقت اس اجلاس سے منسلک تھا جس میں حماس کی مذاکراتی ٹیم امریکی تجاویز پر غزہ میں جنگ بندی کے معاہدے کے لیے بات کر رہی تھی، لیکن اسرائیل نے اس عمل کو سبوتاژ کر دیا۔قطر کے وزیراعظم نے کہا کہ آج ہم ایک فیصلہ کن موڑ پر ہیں اور اس طرح کے بربریت پر پورے خطے سے ردعمل آنا چاہیے۔