5
لاہور…پاکستان کی معروف گلوکارہ حدیقہ کیانی رواں مون سون کے دوران شدید بارشوں اور سیلاب سے متاثرہ علاقوں میں مدد کے لیے پہنچ گئیں۔ ملک کے بیشتر حصے، خاص طور پر خیبرپختونخوا اور پنجاب، مون سون کی شدید بارشوں کی وجہ سے متاثر ہوئے ہیں۔پنجاب کے کئی شہر اور دیہات سیلاب کی لپیٹ میں ہیں اور ریسکیو ٹیمیں امدادی کارروائیاں جاری رکھے ہوئے ہیں۔ ایسے میں حدیقہ کیانی اپنے بیٹے کے ہمراہ قصور پہنچیں تاکہ متاثرین کو فوری مدد فراہم کی جا سکے۔حدیقہ نے اپنے انسٹاگرام اکانٹ پر ایک ویڈیو بھی شیئر کی، جس میں وہ عوام سے سیلاب متاثرین کی مدد کی اپیل کر رہی ہیں۔ گلوکارہ نے کہا کہ سیلاب نے لوگوں کا قیمتی سامان برباد کر دیا ہے اور کئی جانور ہلاک ہو گئے ہیں۔ انہوں نے کہا کہ متاثرین اور بچ جانے والے بے زبان جانوروں کو خوراک کی فوری ضرورت ہے۔
