ترک وزیر تجارت، دو روزہ دورے پر آج عراق پہنچیں گے ، جس کا مقصد اقتصادی تعاون کو بڑھانا ہے۔بولات کا یہ دورہ ترکیہ ایکسپورٹرز اسمبلی (TİM) اور ترک کنٹریکٹرز ایسوسی ایشن (TMB) کے وفود کے ہمراہ ہوگا، اور اس میں بغداد اور جنوبی شہر بسرا میں ملاقاتیں شامل ہوں گی، جیسا کہ تجارتی وزارت کے ذرائع نے بتایا۔کاروباری نمائندوں کے ہمراہ، بولات عراق کے ساتھ تجارتی اور سرمایہ کاری کے تعلقات کو مزید گہرا کرنے کی کوشش کریں گے، جو ترکیہ کے اہم تجارتی شراکت داروں میں سے ایک ہے۔
اس دورے کا مقصد ترک کنٹریکٹرز کو عراقی انفراسٹرکچر منصوبوں میں شامل کرنا ہے، خاص طور پر “ڈولپمنٹ روڈ پروجیکٹ” جس کے تحت دونوں ممالک کے درمیان تجارتی راستہ، ریلویز، سڑکوں، بندرگاہوں اور شہروں کو جوڑا جائے گا۔بغداد میں، بولات کو وزیر اعظم محمد شیاع السودانی کی طرف سے استقبال کیا جائے گا اور وہ وزیر تجارت عثیر داوود سلمان الغریری اور وزیر ٹرانسپورٹ رضا ق محیسبس السعداوی کے ساتھ دو طرفہ بات چیت کریں گے۔
ترکیہ کی عراق کو جنوری سے اکتوبر 2024 تک برآمدات 10.8 بلین ڈالر تک پہنچ گئیں، جو پچھلے سال کے مقابلے میں 5.3 فیصد زیادہ ہیں۔ اسی دوران عراق سے درآمدات 41 فیصد کم ہو کر 3.7 بلین ڈالر رہ گئیں، جس کے نتیجے میں کل تجارتی حجم 14.5 بلین ڈالر تک پہنچاہے۔
