81
صدر مملکت آصف علی زرداری نے ترکیہ کے 101 ویں یومِ جمہوریہ کے موقع پر ترک حکومت اور عوام کو دل کی گہرائیوں سے مبارکباد دی۔ انہوں نے کہا کہ ترکیہ نے گزشتہ ایک صدی کے دوران مختلف شعبوں میں نمایاں ترقی کی ہے اور امت مسلمہ کے مسائل پر ہمیشہ آواز بلند کی ہے۔ آصف علی زرداری نے امید ظاہر کی کہ صدر رجب طیب ایردوان کی قیادت میں ترکیہ مزید کامیابیوں کی منازل طے کرے گا۔
انہوں نے مزید کہا کہ پاکستان اور ترکیہ کے تعلقات مشترکہ تاریخ اور اقدار پر مبنی ہیں، اور دونوں ممالک مشکل وقت میں ہمیشہ ایک دوسرے کے ساتھ کھڑے رہے ہیں۔ پاکستان اور اس کے عوام ترکیہ کی ترقی اور خوشحالی کے لیے نیک تمناؤں کا اظہار کرتے ہیں۔
