91
بلوچستان کے ضلع واشک میں ایک مسافر بس حادثے کے نتیجے میں 28 افراد جاں بحق ہوگئے۔
جیونیوز کے مطابق، بلوچستان کے ضلع واشک کے علاقے کلغلی میں مسافر بس کا حادثہ ٹائر پھٹنے کی وجہ سے پیش آیا۔ بس گوادر سے کوئٹہ جا رہی تھی کہ اچانک ٹائر پھٹنے سے بے قابو ہو کر کھائی میں جا گری، جس کے نتیجے میں 6 افراد موقع پر ہی جاں بحق ہوگئے۔
لیویز حکام کے مطابق، حادثے کی اطلاع ملتے ہی امدادی کارروائیاں شروع کی گئیں اور زخمیوں کو بسیمہ اسپتال منتقل کیا گیا۔ اسپتال میں مزید 22 افراد زخموں کی تاب نہ لاتے ہوئے جاں بحق ہوگئے۔ مرنے والوں میں خواتین اور بچے بھی شامل ہیں۔ لیویز حکام کا کہنا ہے کہ حادثے میں 22 افراد زخمی بھی ہوئے ہیں، جن میں سے کئی کی حالت تشویشناک ہے، اور ہلاکتوں میں مزید اضافے کا خدشہ ہے۔
