باکو میں دوست انکلیوسو سینٹر کا دورہ، معذور اور کمزور طبقات کی تخلیقی صلاحیتوں کو سراہا

باکو( ترکیہ خبر) حیدر علیئیف فانڈیشن کی نائب صدر لیلی علیئیوا اور ایلینا علیئیوا نے باکو میں قائم دوست انکلیوسو ڈویلپمنٹ اینڈ کریئیٹوٹی سینٹر کا دورہ کیا۔اس موقع پر وزیرِ محنت و سماجی تحفظِ آبادی انار علیئیف نے سینٹر کی سرگرمیوں پر تفصیلی بریفنگ دی۔ وزیر نے بتایا کہ یہ سینٹر فرسٹ نائب صدر مہربان علیئیوا کی پہل پر قائم کیا گیا ہے اور اس کا مقصد معذور افراد، شہدا کے خاندان، والدین سے محروم بچوں اور دیگر کمزور طبقات کی تخلیقی صلاحیتوں کو فروغ دینا ہے۔وزیر نے مزید بتایا کہ 2021 میں قیام کے بعد سے دوست سینٹر جنوبی قفقاز کا نمایاں ترین انکلیوسو تخلیقی مرکز بن چکا ہے، جہاں اب تک 900 سے زائد افراد مختلف پیشہ ورانہ اور تخلیقی تربیتی پروگراموں سے مستفید ہو چکے ہیں۔ ان پروگراموں میں مصوری، مٹی کے برتن سازی، موسیقی، سلائی، قالین بافی، لکڑی و نقش و نگار، پکوان سازی اور اسٹیج پرفارمنس شامل ہیں۔لیلی علیئیوا اور ایلینا علیئیوا نے دورے کے دوران سینٹر کے مستفید افراد میں تحائف تقسیم کیے اور دستکاری نمائش کا مشاہدہ بھی کیا۔ انہیں سینٹر اور اس کے علاقائی مراکز میں تیار کی گئی منفرد تخلیقات بطور تحفہ پیش کی گئیں۔دوست سینٹر نے 2025 میں جاپان کے اوساا کانسائی ورلڈ ایکسپو میں کامیاب شرکت کے ذریعے بین الاقوامی سطح پر پذیرائی حاصل کی، جبکہ سال بھر میں 150 سے زائد انکلیوسو تقریبات بھی منعقد کی گئیں۔دورے کے دوران 31 دسمبر، یومِ یکجہتیِ آذربائیجانیانِ عالم اور نئے سال کے موقع پر ایک خصوصی موسیقی پروگرام بھی پیش کیا گیا، جس میں 18 سال سے کم عمر معذور افراد کے لیے قائم سماجی خدمت کے ادارہ نمبر 2 کے رہائشی، سینٹر کے اساتذہ اور مستفید افراد نے پرفارم کیا۔ اس پروگرام میں انکلیوسو چیمبر آرکسٹرا اور انکلیوسو اینسمبل کے ساتھ معروف فنکار ذلفیہ خانبابایوا اور ناتیق شیرینوف نے بھی شرکت کی۔بعد ازاں مہمانوں کو ایک پائلٹ منصوبے کے بارے میں آگاہ کیا گیا، جس کے تحت سینٹر میں تیار کردہ دستکاریوں کی فروخت کے لیے نیا آن لائن پورٹل تیار کیا گیا ہے، تاکہ کمزور طبقات کی تخلیقی مصنوعات کو وسیع تر عوام تک پہنچایا جا سکے۔آخر میں لیلی علیئیوا اور ایلینا علیئیوا نے اساتذہ اور مستفید افراد کے ساتھ پرخلوص گفتگو کی اور یادگاری تصاویر بھی بنوائیں۔