برطانیہ اور ترکی نے یورو فائٹر ٹائفون طیاروں کی دیکھ بھال اور سپورٹ پر نیا معاہدہ کر لیا

انقرہ( ترکیہ خبر)لندن سے خبر رساں ادارے کے مطابق، برطانیہ اور ترکی نے بدھ کو یورو فائٹر ٹائفون طیاروں کی دیکھ بھال اور عملی معاونت کے لیے نیا معاہدہ کیا، جس سے دونوں ممالک کے دفاعی تعلقات مزید مضبوط ہوئے ہیں۔یہ معاہدہ لندن میں ترک وزیرِ قومی دفاع یشار گولر اور برطانوی وزیرِ دفاع جان ہیلی کے دورے کے دوران حتمی شکل پایا۔ترکی کی وزارتِ دفاع کے بیان کے مطابق، یہ معاہدہ یورو فائٹر ٹائفون پراجیکٹ کے تحت طیاروں کی تکنیکی اور لاجسٹک معاونت پر مرکوز ہے۔دونوں دفاعی حکام نے دارالحکومت میں مذاکرات کے دوران وسیع تر تعاون کے امور پر بھی بات چیت کی۔حکام نے تصدیق کی کہ اس پروگرام سے متعلق طیارے، سازوسامان اور گولہ بارود کی خریداری کے لیے ایک علیحدہ معاہدہ پہلے ہی پچھلے اکتوبر میں طے پا چکا ہے۔