ترکی اور عراق کا توانائی و سکیورٹی تعاون بڑھانے پر اتفاق

استنبول( تر کیہ خبر)— ترکی کے وزیر خارجہ حاکان فیدان نے کہا ہے کہ انہوں نے انقرہ میں اپنے عراقی ہم منصب فواد حسین کے ساتھ دوطرفہ تعاون کے فروغ پر تفصیلی مذاکرات کیے۔حاکان فیدان کے مطابق ملاقات میں توانائی، تجارت، ٹرانسپورٹ، سکیورٹی اور علاقائی امور سمیت مختلف شعبوں میں تعاون کو مزید مضبوط بنانے پر بات چیت ہوئی۔انہوں نے کہا کہ دونوں ممالک اپنے عوام کے امن اور سلامتی میں براہ راست کردار ادا کرنے والے منصوبوں پر کام جاری رکھے ہوئے ہیں۔ترک وزیر خارجہ نے کہا کہ ترکی اور عراق کا مقصد مشترکہ ترقی اور علاقائی تعاون کو فروغ دیتے ہوئے دونوں ملکوں کی سرحدوں کو تعاون کے مرکز میں تبدیل کرنا ہے۔