استنبول( ترکیہ خبر) ترکیہ کی مرکزی اسٹاک مارکیٹ کا اہم انڈیکس کاروباری ہفتے کے پہلے روز تاریخی سطح پر بند ہوا۔تفصیلات کے مطابق استنبول اسٹاک ایکسچینج کا بینچ مارک انڈیکس 14 ہزار 594 اعشاریہ 01 پوائنٹس پر بند ہوا جو اس کی اب تک کی بلند ترین سطح ہے۔ انڈیکس میں 1.28 فیصد اضافہ ریکارڈ کیا گیا۔مارکیٹ کا آغاز 14 ہزار 446 پوائنٹس سے ہوا جبکہ دن کے دوران کم ترین سطح 14 ہزار 423 اور بلند ترین سطح 14 ہزار 621 پوائنٹس رہی۔اعداد و شمار کے مطابق مجموعی طور پر 57 حصص کی قیمتوں میں اضافہ جبکہ 42 میں کمی دیکھی گئی۔ماہرین کے مطابق مارکیٹ کی مجموعی مالیت تقریباً 14.24 کھرب ترک لیرا رہی جبکہ یومیہ تجارتی حجم 188.1 ارب لیرا ریکارڈ کیا گیا۔عالمی منڈی میں سونے کی قیمت 4 ہزار 675 ڈالر فی اونس رہی جبکہ برینٹ خام تیل 108.9 ڈالر فی بیرل پر فروخت ہوا۔غیر ملکی زر مبادلہ میں امریکی ڈالر 45.02 ترک لیرا، یورو 52.87 لیرا اور برطانوی پاؤنڈ 61.05 لیرا پر ٹریڈ ہوتا رہا۔
