لیلیٰ اور الینا علیئیوا کی خصوصی اسکول میں بچوں سے ملاقات

آذربائیجان( ترکیہ خبر)آذربائیجان کے شہر گنجا میں خصوصی ثانوی اسکول نمبر 45 کا دورہ، لیلیٰ علیئیوا اور الینا علیئیوا نے کیا۔ رپورٹ کے مطابق انہوں نے اسکول کی سہولیات کا جائزہ لیا اور طلباء کی تعلیم اور بحالی کے مواقع کے بارے میں معلومات حاصل کیں۔اس اسکول میں فی الحال 297 طلباء زیرِ تعلیم ہیں، جن میں سے 188 بچوں کو اسکول میں براہِ راست تعلیم دی جاتی ہے جبکہ 109 بچے ہوم اسکولنگ پروگرام کے تحت تعلیم حاصل کر رہے ہیں۔ اسکول میں معلوماتی ٹیکنالوجی، ہنر و دستکاری کے کمرے، اسپیک تھراپی (لاجوپیڈکس) کمرہ، ماحولیاتی کلاس، طبی دفتر، لائبریری اور جمنازیم جیسی مکمل سہولیات موجود ہیں۔دورے کے اختتام پر لیلیٰ علیئیوا اور الینا علیئیوا نے بچوں کو تحائف دیے اور یادگاری تصاویر کے لیے بچوں کے ساتھ فوٹوگراف بھی کروائے۔